O PSOE critica o ritmo d’as obras d’os hespitals d’Alcanyiz y Teruel

Acusan a la D.Ch.A. de falta de coordinación entre organismos y de tener aturadas las obras que ya podeban haber enantau

Eduardo Alonso (Foto: PSOE)

Eduardo Alonso (Foto: PSOE)

O portavoz de Sanidat d’o PSOE, Eduardo Alonso ha criticau iste lunes o ritmo d’as obras y a chestión d’o gubierno en a construcción d’os nuevos hespitals de Teruel y Alcanyiz.  Seguntes Alonso, o modelo hespitalario se ye copiando d’o gubierno de Madrit d’Esperanza Aguirre: “No podemos copiar y fer aquí lo que ha fracasau en Madrit”, ha dito.

L’hespital de Teruel estió adchudicau en abril de 2012 por 62,2 millons d’euros, con un plazo ta fer-lo de 52 meses. Seguntes ha informau Alonso, o concello ya concedió a licencia d’obras y d’actividat en l’anyada pasada, pero “o Gubierno d’Aragón presupuestó 18,5 millons y han pasau cinco meses y ni se i ha meso lo cartel, ni se ha replanteyau a obra, por lo que nos tememos que o Gubierno d’Aragónye modificando lo prochecto u fendo una atra memoria porque sino, no entendemos porque no prencipia ya la obra”, sinyalaba o portavoz d’o PSOE.

Cuanto a l’hespital d’Alcanyiz, o PSOE critica la falta de coordinación que creyen que bi ha entre o conseller de Sanidat y a cherent d’o Salud“. Entre atras problemas que troban ye que no se sabe quantos leitos bi habrá pues coneller y cherent dan cifras diferents u que a cartera de servicios que se charrar ta iste hespital no tien mica que viyer con as memorias funcionals. “O Gubierno d’Aragón no sabe ni qui será o propietario de l’hespital, ni qui pagará l’edificio, os terrenos ni  l’equipo, que no ye una partida menor”, critica o diputau d’o PSOE.

Eduardo Alonso ha rematau sinyalando que “dos hespitals que yeran prestos fa dos anyadas ta construyir-se son agora aturaus por a mala chestión d’o Departamento de Salut.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.