O PSOE critica os retalles de Rudi en a Lei de Dependencia

Dende chunio de 2011 bi ha más de 5000 familias que han deixau de tener o dreito a la prestación u servicio de dependencia

Mª Victoria Broto (Imachen: PSOE)

Mª Victoria Broto (Imachen: PSOE)

A portavoz d’o PSOE en Afers Socials, María Victoria Broto, ha denunciau iste martes que Aragón ye o territorio de l’estau que más han baixau os beneficiarios d’a lei de dependencia con un 17%. Un total de 5.258 familias han deixau de tener dreito t’as prestacions de dependencia y bi ha 5.628 familias atendidas menos dende que gubierna o PP-PAR.

“Os datos contrimuestran o desmantelamiento total d’a dependencia y a crudeldat con que son actuando a presidenta y o conseller Oliván con as personas dependients”, ha indicado Broto. Seguntes os datos oficials de l’IMSERSO en agosto bi ha habiu cifras negativas en totz os parametros: “S’han tramitau 291 solicitutz menos, s’han dicaminau 291 solicitutz menos, s’han dictaminau 246 expedients menos, s’atiende a 244 familias menos, 244 personas han perdiu os suyos dreitos a los servicios y prestacions d’a lei, bi ha 32 personas atendidas menos en residencias y 156 familias menos reciben a prestación economica ta cudiadors en o entorno familiar. En agosto 7 personas han deixau d’estar atendidas y cada diya s’ha perdiu una plaza d’atención residencial. Encara bi ha quasi 9.000 personas que son asperando a prestación por dependencia”, ha resumiu a diputada.

En total, dende chunio de 2011, bi ha 5.258 familias que han deixau de tener o dreito t’as prestacions, lo que siposa que “cada diya dende que gubierna Rudi 8 personas deixan d’estar atendidas por o sistema de dependencia y se pierden 2,5 plazas d’atención residencial u vincladas a o servicio”. “Somos de tot en contra de que l’obchectivo de deficit se cumpla enrestindo a los más febles”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.