O PSOE critica que lo gubierno no faiga garra carretera nueva en toda la lechislatura

Creyen que o Plan de Carreteras ye "papel mullau porque no va acompanyau d'o presupuesto que le cal"

José Ramón Ibáñez, d'o PSOE

José Ramón Ibáñez (PSOE)

O portavoz d’Obras Publicas d’o PSOE, José Ramón Ibáñez, ha criticau iste martes que o Gubierno d’Aragón no vaiga a fer garra carretera nueva en tot lo país mientres a lechislatura. A presidenta anunció en o debat sobre l’estau d’Aragón que “iba a licitar quasi 400 kilometros de carreteras d’obra nueva po un procedimiento novedoso; manimenos, a nuestra sorpresa ye que nomas se ferá mantenimiento y quasi cosa en trampos nuevos”, ha indicau o portavoz.

Ibáñez ha sinyalau antimás que o Plan de Carreteras “nonato” presentau por o conseller previyeba inversions de 1.485 millons, con lo que “ta que estase creyible s’habría d’invertir 120 millons en os presupuestos cada anyada en carreteras, qualcosa imposible”. “O Plan de carreteras ye papel mullau porque no va acompanya d’o presupuesto que le cal”, ha adhibiu.

O PSOE tamién ha sinyalau que antimás de no “rematar-se ni un trampo nuevo” de carreteras”, de feito, “a obra publica ha caito un 90%” y remeran que “as infraestructuras tienen una gran importancia t’o desembolique y equilibrio territorial porque fan chenerar economías y inversión”.

Ta rematar,  Ibáñez ha remerau tamién as criticas d’o Gubierno de Rudi t’o Plan Red prochectau en l’anterior lechislatura, quan deciba que “cheneraba deuda” y esfiende que “yera la mesma deuda (arredol d’os 200 millons d’euros) que o Plan Impulso que en istos momentos nos venden como a panacea universal”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.