O PSOE de Monzón demanda una limpieza urchent d’o río Sosa

D'antis se escoscaba totz os anyos, seguntes o PSOE

O Sosa pasando por Monzón (Foto: Concello de Monzón)

O Sosa pasando por Monzón (Foto: Concello de Monzón)

A colla socialista d’o Concello de Monzón ha demandau a lo Gubierno d’a ciudat que escosque antis con antis o río Sosa en pasar por a localidat. En a suya opinión, o río tien agora mesmo un estau penible y mesmo problemas de salubridat.

Entre os problemas que ha trobau a colla municipal i son a gran cantidat de radedors, mosquitos y insectos que van apareixendo en amuntonar-se a porquería en a ribera d’o Sosa. Tamién se son dando problemas d’alerchia y bi ha o risque d’engaronadas por a cantidat de canyas y atras hierbas, seguntes o PSOE.

D’antis, o cauz d’o río s’escoscaba una vegada a l’anyada, por un refular ent’o cabo de setiembre y, de cabo ta quan, s’escoscaba más a fundo si caleba. Dica agora, seguntes fuents d’o PSOE, o PP no ha feito garra limpieza en o Sosa. Ista denuncia la fa o PSOE o diya d’antis que i plegue o president d’a CHE, qui, seguntes o PAR de Monzón anunciará un compromís economico ta escoscar a canalización d’o Sosa en pasando por Monzón.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.