O PSOE demanda a lo gubierno que s’embreque ta que no zarre Kimberly Clark

Han prensentau una iniciativa ta que o Gubierno mira a belun que merque a interpresa

Javier Sada en a Rueda de Prensa (Foto: PSOE)

Javier Sada en a Rueda de Prensa (Foto: PSOE)

O portavoz d’a Colla Parlamentaria Socialista, Javier Sada, ha demandau a lo Gubierno d’Aragón que se prenga en serio o proceso de destruyir emplego que ye habendo-ie en Aragón y que s’embreque  ta privar de que se zarre Kimberly-Clark, dimpués de que a interpresa anunciase que zarraría a suya planta en Calayatú, deixando sin treballo a más de 200 treballadors. “O problema d’o Gubierno d’Aragón ye que se’n fa por tot, pero no s’ocupa de cosa”, ha dito Sada.

O portavoz d’o PSOE ha remerau que en a comarca de Calatayú bu ha 3.300 personas esqueferadas, antimás d’estar una zona espobladas con un gran porcentache de personas mayors “por lo que o zarre d’a interpresa tien una gran trascendencia dica lo punto que ye quasi una trachedia”.

Javier Sada tamién a remerau que a suya Colla Parlamentaria fació una pregunta a lo conseller Bono en as Cortes en noviembre a on que sinyaló sobre Kimberly-Clark que “qualsiquier cambio en as negociacions nos lo iban a comunicar“. Manimenos, ha dito, “no’n hemos sabiu mica dica ahiere”.

O portavoz d’o PSOE ha insistiu en demanadar a lo Gubierno que s’embreque de verdat en apanyar o problema d’ista interpresa en Calatayú y ha adhibiu que “o PSOE será con os treballadors afectaus”. D’igual traza ha anunciau que presentarán qualques iniciativas en as Cortes ta privar de que a interpresa en marche.

En iste sentiu s’ha presentau una iniciativa ta que o Gubierno mire bella interpresa que la merque, de vez que presente un plan d’emplego de reindustrialización ta Calatayú.

D’atra man, o portavoz d’o PSOE en o Concello de Calatayú, Víctor Ruiz, ha indicau que “a prudencia que teneba l’equipo de Gubierno d’o Concello de Calatayú, ha esdeveniu en inacción”. Ruiz ha demandau a lo Gubierno una reflexión y que faiga un poder suplementario ta mantener a interpresa en Calatayú. O portavoz d’o PSOE ha remerau que “son más de 200 familias en Calatayú, a más gran interpresa d’a ciudat, con a trascendencia que ixo tien”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.