O PSOE demanda una moratoria en l’aplicación d’a Lei de Buenpasar animal t’o sector porcino

Tamién reclama una linia de creditos t'adaptar as 3.600 explotacións d'Aragón, ya que o sector ha d'invertir 42 millóns d'euros ta l'adaptación a la normativa europeya.

Latón (Foto: lesliewong.us)

Latón (Foto: lesliewong.us)

O Grupo Parlamentario Socialista ha solicitau hue una moratoria a o Gubierno d’Aragón en l’aplicación d’a Lei de Buenpasar Animal en o sector d’o porcino dada la grieu crisi que ye esnavesando lo sector. En iste sentiu, o Grupo Parlamentario Socialista ha presentau una iniciativa en las Cortz d’Aragón en o qual demanda que s’habilite una moratoria en l’aplicación d’a Lei de Buenpasar Animal y se formalice por parte d’o Gubierno d’Aragón una linia de credito extraordinario que permita cofinanciar os 42 millóns d’euros que s’amenistan t’adaptar as 3.600 explotacións que bi ha en Aragón.

O vocero socialista en a Comisión Agraria, Ramón Laplana, ha indicau que en Aragón bi ha en l’actualidat diez millóns de marranchos y 470.000 mais y que “en vinte anyos han zarrau a metat d’as granchas, si bien s’han duplicau as cabezas. O coste d’os breballos y o baixo pre que se bosa ha motivau que o sector sía esnavesando dificultatz ta poder acometer inversións tant importants d’adaptación d’as explotacións a la normativa europeya. Por ixa razón, pedimos a o Gubierno d’Aragón que faiga un poder con o sector”.

Laplana ha indicau que “o Gubierno d’Aragón ye aturau, en seis meses de chestión no ha feito brenca, a más l’agricultura tamién sufre o cambeo de consellero en tant poco tiempo y a falta de decisions; lo veyemos quan no ha publicau encara a orden d’aduyas t’a encorporación de chovens agricultors y modernización d’explotacions, no ha empentau encara a prorroga d’aduyas agroambientals y no ha preso ni una mida con a grieu sequera que padeixemos. A o mesmo tiempo ha meso en dubda a viabilidat d’as AUCAS y d’as organizacións profesionals agrarias”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.