O pueblo chitán celebró o suyo diya

As asociacions de chitans y o concello organizoron actividatz arredol d'a cultura chitana

cartelCientos de chitans participoron ahiere en as diferents actividatz que se organizoron en Zaragoza ta celebrar o Diya Internacional d’o Pueblo Chitán. Iste diya se celebra dende 1971, quan se fació o I Congreso Mundial d’os chitans en Londra, como explicoron en una charrada que se fació de tardis.

En o puent de piedra de Zaragoza, chitoron flors reivindicando a suya identidat como pueblo. Dimpués, en a Casa d’as Culturas una charrada explicó l’orichen d’ista celebración. Una brenda y un concierto de flamenco completoron as actividatz. D’atra man, en Uesca se fació un reparto de flors en os Porches de Galicia ta compartir ista celebración con a resta de uescanos.

Dende as asociacions se remeroron bellas cifras ta denunciar a situación d’exclusión d’os chitans. Nomás un 20% rematan os estudios secundarios y un 2% plegan en a universidat. Cuanto a lo treballo bi ha un 40% d’ature. En Aragón viven agora mesmo bells 21.000 chitans.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.