O puent d’Alcanadre se zarrará a o trafico o viernes 23

Continará ubierto ta trafico de personas y emerchencias

O puent d'Alcanadre (Foto: D.Ch.A.)

O puent d’Alcanadre (Foto: D.Ch.A.)

Continan os treballos t’apanyar o puent sobre o río Alcanadre d’a carretera A-131 en Sarinyena. Como s’alcordó en a reunión entre Concello de Sarinyena, Comarca de Monegros y o Departamentos d’Obras Publicas d’a D.Ch.A. o puent será zarrau a o trafico dende as 9 d’o maitín dica las 22:00 ta rematar d’instalar o sistema de arriostramiento que permitirá que no s’haiga de tallar a circulación ta apanyar-lo.
Con tot y con ixo, mientres o diya 23 será ubierto ta peatons y t’o trafico d’emerchencias si calese. T’a resta d’o trafico, os esbarres senyalizaus se ferán por as poblacions de Castilflorit (A-1217) y Venta de Ballerías (A-1223)

A partir d’o viernes, prencipiará l’apanyo d’o puent, con una inversión de más de 160.00 euros ta recostruyir l’estribo de refirme, meter as chuntas de neopreno, entre estribo y viga, y apanyar a propia viga. Os treballos se prolargarán por bellas dos semanas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.