O R. Zaragoza pierde con o Sevilla y caye a puestos de baixada

Un unico gol de penalti fica atro clau a l'atabul que ye construyindo l'equipe manyo

O Sevilla s’ha levau os tres puntos d’a Romareda en ganar por zero gols a un a o Reyal Zaragoza, en o partiu correspondient a la deceno quarta chornada d’a Liga BBVA. O Zaragoza ha ufriu un partiu feble, luen de garra livel competitiu debant d’un Sevilla de Marcelino que tampoco no pasa por os suyos millors intes.

O solitario gol de Negredo, dimpués d’un penalti absurdo de Mateos ha estau prou ta que quadro vesitant sumase o triunfo y ficase a l’equipe aragonés en os puestos de baixada.

Dimpués d’una ocasión inicial d’Hélder Postiga, que ha disparau alto, o Sevilla ha aconseguiu fer-se con o dominio d’o chugo, plegando cada vez mas a l’aria de Roberto. En una chugada de Negredo Mateos ha feito un penalti d’infantil y o debantero no ha fallau a pena maxima.

En a segunda parte ha seguiu intentando-lo l’equipe aragonés, pero sin muita intincion en o chugo y sin creyar ocasions claras ta marcar. Nomás un disparo de luen de Juan Carlos ha feito dispertar a Varas d’o suyo suenio. O Sevilla ha levau o partiu a o suyo terreno y o quadro zaragocista no ha puesto superar a barrera de l’equipe de Marcelino, que tornaba a la Romareda dimpués de salir fa tres anyos.

Con ista derrota o Reyal Zaragoza caye en os puestos de baixada y queda en o puesto 19 d’a Liga, a dos puntos d’a linia que marca la baixada a Segunda.O

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.