O reciclache se convierte en arte en ‘La Calle Indiscreta’

Una exposición en o vico de Valdespartera reculle obras feitas por alumnos d'Educación Especial de Villamayor

Un monyaco feito con papel de periodico, una lampara reyalizada con cartóns de uego u un cuadro elaborau con tapóns son no más que bellas d’as obras que se pueden apreciar en a exposición “Arte sostenible”, que ubrió as puertas o lunes en l’Aula de Meyo Ambient Urbán La Calle Indiscreta, en Zaragoza. Dica o 22 de chinero, a muestra presenta as obras reyalizadas por os alumnos d’o colechio d’Educación Especial d’a Fundación Virgen del Pueyo de Villamayor.

 

Como ha explicau o suyo president, Carlos Guerrero, en a exposición se puet apreciar “o día a día d’una colla de personas que fan servir ista arte como terapia”. “De traza regular celebramos un evento interno pero isto anyo hemos reculliu as obras d’os nuestros chóvens y aquí se puet apreciar buena parti d’ello. Iste ye o resultau d’as manifestacións emocionals que femos cada día en a Fundación”, ha adibiu Guerrero.

 

D’atra man, a directora cheneral de Calidat Ambiental d’o Gobierno d’Aragón, Pilar Molinero, ha remarcau que ista inicativa “cumple con l’obchetivo de continar sensibilizando sobre o reemplego de materials que pueden tener una segunda vida y, a más, empenta a sostenibilidat social, pues as obras son feitas por alumnos con necesidatz especials”.

 

A directora cheneral ha puntualizau que serán bienplegadas todas as iniciativas “que sirvan ta conscienciar a la población de que bi ha determinaus materials que no son basuera.”

 

En cuanto a o reciclache en Aragón, Molinero ha asegurau que”os ciudadans son colaboradors y somos satisfeitos con o reciclau, pues a meya de recullida ye en o 20%, una cifra una mica por dencima d’a meya estatal”. A más, y como consecuencia de l’aprobación d’a nueva Ley de Residuos, “hemos de superar-nos a nusotros mesmos y conseguir que a recullida siga, como minimo, d’o 40% en l’anyo 2020”.

Fuent: http://www.comarcas.es/index.php/mod.noticias/mem.detalle/idnoticia.6565/relcategoria./chk.181624412e0843466e5740858ac608fb.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.