O referendum d’independencia de Catalunya se celebrará o 9 de noviembre de 2014

I habrá dos preguntas: a primera sobre si Catalunya ha d'estar un estau, y a segunda sobre si ha d'estar un estau independient

Momento d'a rueda de prensa. Foto: Generalitat de Catalunya (@govern)

Momento d’a rueda de prensa. Foto: Generalitat de Catalunya (@govern)

Seguntes informa o diario dichital Vilaweb, CiU, ERC, ICV-EUiA y a CUP han alcordau hue tanto a calendata d’a celebración d’a consulta independentista como as preguntas que se i realizarán.

O 9 de noviembre de 2014 ye a calendata trigada pa que os ciudadanos y ciudadanas de Catalunya puedan trigar estar independients u no. Asinas mesmo, s’ha pactau a realización de dos preguntas: “Quiere que Catalunya se convierta en un estau?“. Se podrá responder sí u no, y qui responda sí, habrá de responder a la pregunta de si quiere un estau catalán independient.

Asinas l’ha anunciau o president d’a Generalitat de Catalunya, Artur Mas, en o Palacio d’a Generalitat, alcompanyau por os representants d’as formacions antes citadas.

Dende o Gubierno d’Espanya, o ministro de Chusticia, Alberto Ruiz-Gallardón, ha reaccionau con contundencia decindo que “a consulta no se celebrará y asinas lo guarancia o Gubierno“. Gallardón diz que “a Constitución no autoriza a garra comunidat autonoma a sozmeter a consulta u referendum qüestions que afectan a la sobiranía nacional y que afectan a totz os espanyols”, advertindo d’a violación tanto d’a Constitución espanyola como de l’Estatuto d’Autonomía catalán.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.