O Reino Uniu ninvia l’armada ta Chibraltar en pleno conflicto con Espanya

O luns saldrá de puertos angleses una flota de guerra

HMS Illustrious, vaixiello d'a flota britanica. Foto: http://www.netmarine.net (CC-BY-SA)

HMS Illustrious, vaixiello d’a flota britanica. Foto: http://www.netmarine.net (CC-BY-SA)

En plena tensión diplomatica entre o Reino Uniu y Espanya por a sobiranía de Chibraltar, o ministerio de Defensa britanico ha confirmau que o luns zarpará de puertos angleses una flota de guerra maritima que ferá aturada o cabo de mes en Chibraltar. O estau espanyol ha dito que teneba constancia d’iste movimiento militar porque o ministerio heba pediu de fer aturada en a base espanyola de Rota. Por ixo, Espanya considera que ye una ‘visita rutinaria‘.

A dengún no se le escapa, manimenos, que a plegada de vaixiellos en Chibraltar prene un significau especial, parando cuenta en a tensión creixent istes zaguers días entre totz dos estaus y, mas que mas, tenendo present que o ministro prencipal de Chibraltar, Fabian Picardo, heba pediu a plegada de l’exercito.

As maniobras, que trahien por nombre Cougar, tamién se facioron de 2011 y 2012, pero en agüerro. Oficialment, os barcos tienen previsto de continar a ruta dica o Golfo Persico. ‘Chibraltar ye una base estratechica p’a defensa d’o Reino Uniu y, por tanto, a flota reyal visita as auguas chibraltarencas mientres l’anyo como parte d’una serie regular de desplegues militars habituals’, dició ahiere un portavoz d’o ministerio britanico de Defensa a o DailyTelegraph.

Fuent: http://www.vilaweb.cat/noticia/4138193/20130809/regne-unit-envia-larmada-gibraltar-ple-conflicte-espanya.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.