O relato «Camín de glarimas» gana o Concurso de relatos por un Aragón trilingüe

O ganador, Fernando Estaben, y tres finalistas más, viyerán publicaus os suyos treballos en o blog de Nogara

bannerO relato «Camín de glarimas», escrito por Fernando Estaben Vallespín, ha estau trigau como ganador por o churau d’o Concurso de relatos por un Aragón trilingüe. Chunto a iste relato, l’Asociación Cultural Nogara, que convocaba o concurso, en ha trigau tres más que, como finalistas, serán publicaus en o blog de l’asociación en as venients semanas.

«Camín de glarimas», que ya se puede leyer en o debantdito blog, ye un relato ambientau en a fin d’a Guerra Civil, recontando a fuyida enta Francia de beluns d’os zaguers que marchaban ta l’exilio. As obras finalistas que s’han trigau son «A tronca y a mai» de Dabi Lahiguera Albericio, «Lamine se diz lamin», de Susana Lloro Ferrer, y «Un día más, una nueit menos», de Dabi Anquela Gracia.

O concurso lo convocó l’Asociación Cultural Nogara en respuesta a la convocatoria d’unatro que fació a Feria d’o Libro Aragonés de Monzón, a on que nomás s’acceptaban obras en castellano. En iste concurso, manimenos, se podeban presentar obras en aragonés u catalán, encara que as quatre trigadas son todas en aragonés.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.