O Repecho Rock d’Arinyo se fa iste cabo semana con refirme a o sector d’o carbón

Iste anyo o festival fera visible o suyo refirme a la luita d'os triballadors d'as minas aragonesas

Prencipia hue o cinqueno festival Repecho Rock en Arinyo, en a redolada d’Andorra-Sarra d’Arcos. Por primera vegada iste anyo o festival, tradicionalment de rock, cuenta con a participación de tres cantautors, Joaquín Carbonell, Eduardo Paz (d’A Bullonera) y Diego Escusol, que se fació famoso fa pocas semanas por a suya canta “Que se joda Andrea Fabra“. A quota de rock la meten as collas Insolenzia, La banda l’Ambar y A Gargalé. Seguntes a organización a presencia de cantautors responde a la presencia activa de Carbonell y Paz en as reivindiacions mineras, mesmo recibindo a os triballadors d’as minas d’as Cuencas que marchoron a pie enta Zaragoza. Seguntes Joaquín Macipe, un d’os organizadors d’o festival, y qui fa d’Arinyo un lugar con muitisma vida cultural y musical “no ye que s’haiga feito un festival por a situgación, ye que o festival no puede quedar a o marguin d’o que en ye pasando”.

As actuacions prencipian ista nueit arredol d’as diez horadas, y o festival cuenta con zona d’acampada de gufanya ta qui quiera fer nueit en o lugar. As actuacions se ferán en o Pabellón Multiusos d’Arinyo, que puede acullir a más de 800 presonas.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.