O Ret de Ciudatz por a Bicicleta contra a obligatoriedat d’o casco en vías urbanas

O Ret de Ciudatz por a Bicicleta, ConBici y a ECF critican a obligatoriedat d'o casco y que as bicicletas haigan de circular por a dreita d'os carrils

carrilbicicordoba

Foto: ConBici

O Ret de Ciudatz por a Bicicleta (RCxB), compuesta alazetalment por mas de 100 concellos de ciudatz de l’Estau espanyol, entre ellas Zaragoza, y atros entes que preban de potenciar l’emplego d’a bicicleta, se posiciona en contra d’a proposa de modificación d’o Reglamento Cheneral de Circulación d’obligar a las y os ciclistas a portar o casco en as vías urbanas (en as vías interurbanas ye obligatorio ya).

O RCxB considera que no ye contrimostrau en os estudeos actuals que l’emplego d’o casco reduzca os accidents u as muertes por lesions cranials-encefalicas, pero sí que reduce o numero de ciclistas por as vías, o qual de por sí mete en periglo a seguridat d’as usuarias d’a bicicleta. O RCxB proposa mantener a lechislación tal qual ye agora, con o casco d’emplego voluntario en vías urbanas, pero recomendau.

A proposa de modificación d’o Reglamento que proposa o Gubierno tamién relega a las bicicletas a circular por a parte dreita d’os carrils en vías urbanas, o qual ye refusau por o RCxB debiu a la periglosidat que suposa en enantar os coches a las bicicletas, en especial en carreras d’un carril. O RCxB proposa permitir a circulación d’as bicicletas por o centro d’o carril, ta evitar istos enantes periglosos de coches y atros vehíclos y permitir una millor visibilidat.

Manimenos, sí que han valorau positivament as midas d’a proposa de Reglamento en quanto a la pacificación d’o trafico y l’aumento d’a seguridat vial.

Antiparti, ConBici, Coordinadera iberica ta promoción d’a bicicleta y en esfensa d’os y as ciclistas, y a ECF (Federación de Ciclistas Europea) han criticau con dureza as midas polemicas d’a obligatoriedat d’o casco en vías urbanas y a circulación d’as bicicletas por a dreita d’os carrils, amás de criticar a utilización de remolques en bicicletas nomás en vías urbanas y vías ciclistas y que os ninos menors de 14 anyos haigan de circular en bicicleta obligatoriament con un adulto.

Una rispuesta a O Ret de Ciudatz por a Bicicleta contra a obligatoriedat d’o casco en vías urbanas

  1. Lo que no es de recibo es que se permita transporta a niños de cortísima edad en una pequeña silla adosada a la bicicleta, creo que en caso de accidente no tiene ninguna probabilidad de salir ileso, la reglamentación debería de ser totalmente contraria a esa practica arriesgada y fuera de todo sentido común por muy romántica que quiera parecer. Considero que esa práctica es criminal y que nadie en su sano juicio la debería de compartir.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.