O río Xalón desapareixe entre Ricla y Calatorau

O río Xalón pasa xuto de raso entre istas dos localidatz zaragozanas, deixando o río en una grau situación ambiental, seguntes denuncia COAGRET

A Coordinadera d’Afectaus por Grans Entibos y Trescoles, COAGRET, ha denunciau publicament a grau situación en que se troba en iste momento o tramo d’o río Xalón entre Ricla y Calatorao. En tot iste tramo o río discurre quasi xuto u de tot xuto, seguntes o río s’amana ta Calatorau.

Amás a Coordinadera cataloga como “especialment grau l’incumplimiento flagrant por parte d’a CHE d’o rechimen de caudals ambientals, con graus afecciones t’a fauna y a flora d’iste habitat, amás d’una grau violación d’a obligación que marca a Directiva Marco de l’Augua, respective a aconseguir o buen estau ecolochico d’as masas d’augua”.

COAGRET lamenta que “a preocupación d’a CHE se centre en a construcción de l’entibo de Mularroya, que no solucionará istas situacions en o Xalón, mientres veyemos como o río pasa xuto por localidatz con un important ran de población”.

Fuent: http://arainfo.org/2012/09/el-rio-jalon-desaparece-entre-ricla-y-calatorao/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.