O risque de lurtes deixa zarraus os accesos ent’o Balneario de Pandicosa, o Portalet y Plans de l’Hospital

O risque de lurtes obligó a zarrar istos tres accesos. L'acceso ent'o Balneario de Pandicosa podría reubrir-se hue

Continan zarraus os accesos ent’o Balneario de Pandicosa asinas como en o paso de muga d’o Portalet  y Plans de l’Hospital debiu a o risque de lurtes en as carreteras A-2606, A-136 y A-139, seguntes informacions d’a Dirección Cheneral de Trafico (DChT).

Manimenos, l’acceso ent’o Balneario en a carretera A-2606 podría reubrir-se mientres o diya de hue. Ya leva zarrau dende o pasau cabo de semana. Asinas mesmo calen cadenas en l’A-136 dende a estación d’esquí de Formigal ent’a muga d’o Portalet, que ye zarrau en a parte francesa por o risque de lurtes.

En a val de Benás tamién se troba zarrada, debiu a o risque de lurtes, l’A-139 en l’acceso ta Plans de l’Hospital, a on se troba a estación d’esquí de fondo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.