O rock aragonés protagonista d’o uiteno Carrasca Rock que empecipia hue en Exulv

Dende hue se celebra a uitena edición d'o Carrasca Rock, que tendrá puesto en a localidat d'Exulv

Ser-Vizio-Publiko

Foto: Ser-Vizio Públiko

Hue prencipia en Exulv, en a comarca d’Andorra-Sierra d’Arcos, a uitena edición d’o Festival Carrasca Rock. O Carrasca Rock ye, en a parolas d’a propia organización, “un festival de collas de mosica de diferents estilos que apuesta por a promoción de collas chovenas aragoneses. O prencipal obchectivo d’o festival ye promocionar a las collas chovenas d’Aragón. Tamién ye un evento que reivindica o dreito a vivir en os nuestros lugars dignament, motivando y promoviendo actividatz culturals y festivas en o medio rural pa fer-lo mas atractivo y dinamico, esfendendo a cultura aragonesa”. O Festival conta con o refirme d’a Plataforma Ciudadana “Nuestros montes no se olvidan”, encargada de promover y espardir a cultura en a comarca.

“Iste anyo queremos concienciar a o publico asistent a participar en a fiesta colaborando y refirmando a o mantenimiento d’o festival, por ixe motivo a organización ha valorau de meter cada nueit una entrada simbolica d’1 euro (con monyiquera de control pa dentrar y salir d’o recinto) mas un ticket pa consumir en barra de 4 euros, prebando d’ista traza de que a chent gaste una mica de diners en a barra d’o festival, ya que d’ixa traza y no d’atra nos financiamos (as subvencions iste anyo son minimas). Os pres de barra seguirán estando populars, igual que os anyos anteriors” apuntan.

O Festival rancará ista mesma tarde, a las 19.00 horas, con una plantación de carrascas en Majalinos, zona afectada por l’incendio de l’anyo 2009, y a la medianueit se prochectarán videoclips d’a scena rock aragonesa. As actuacions en directo prencipiarán a nueit d’o sabado, 20 de chulio, dende as 22.30 horas en o poliesportivo municipal, con Ser-Vizio Publiko (ska-reggae dende Zaragoza), Artistas del Gremio (charanga dende Exeya d’os Caballers), Azero (rock dende A Codonyera), Ni Zorra (punkrock dende Galv) y La Escalera Metálica (rock). Amás, entre o maitín se realizará a I Feria d’artesanía, escambio y segunda man, y de tardes tendrá puesto o primer concurso de talentos “x(amor) al arte”.

Fuent: http://arainfo.org/2013/07/el-rock-aragones-protagonista-del-octavo-carrasca-rock-de-ejulve/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.