O rock pierde con Lou Reed una d’as suyas voces mas lechendarias

O musico novayorqués, que en mayo s'heba sozmeso a un trasplante de figau, teneba 71 anyos

 

Foto: Man Alive! (CC-BY)

Foto: Man Alive! (CC-BY)

Lou Reed, uno d’os pioners d’o rock, ha muerto. Empecipió informando-ne inicialment a revista Rolling Stone y posteriorment lo confirmoron os suyos achents. Compositor y guitarrista, será recordau por estar uno d’os cofundadors d’a mitica Velvet Underground, uno d’os grupos mas influyents d’a historia d’o rock. No s’ha revelau a causa d’a muerte, pero en mayo le facioron un trasplante de figau. Teneba setanta y un anyos.

Lewis Allen Reed, mas conoixiu como Lou Reed, heba naixiu de Brooklyn (Nueva York) o 2 de marzo de 1942. L’anyo 1964, y protechiu por Andy Warhol, empentó con John Calo The Velvet Underground, formación que fació patent que as letras y o mensache pueden estar mas importants que no a mosica en ell. De feito, l’album de debut d’a formación, ‘The Velvet Underground & Nico’ (1967), con portada de Warhol, se considera un d’os discos mas influyents d’a segunda metat d’o sieglo XX.

O considerau pai d’o rock independient escribió, como denguno d’o grupo The Velvet Underground, cantas que han pasau a la historia como Heroin, Rock and Roll, I’m Waiting for the Man y Sweet Jane. Mas tarde s’adedicó a la mosica en solitario.

Uniu sentimentalment con a violinista y artista experimental Laurie Anderson, a parella siempre amostró admiración por a literatura catalana dica o punto que unas quantas vegadas heban recitau piezas adaptadas de Brossa, Casasses, Espriu y Estellés, entre mas autors.

 

Fuent: http://www.vilaweb.cat/noticia/4152478/20131028/rock-perd-lou-reed-seves-veus-llegendaries.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.