‘O Rollo’ contina considerau ‘zona saturada’

Encara que muitos bars han zarrau, o concello contina considerando que bi'n ha masiaus

Infernoise tanyendo en a Sala DeVizio (Foto: Metalcry Webzine)

Infernoise tanyendo en a Sala DeVizio (Foto: Metalcry Webzine)

O viernes pasau o Concello de Zaragoza decidió de continar considerando a zona d’a carrera Moncasi y arredols, popularment ‘O Rollo’, como ‘zona saturada’. Ista consideración estió a respuesta que daba a l’amo d’a Sala DeVizio que demandaba que deixase d’estar-ne dimpués de totz os cambios que bi ha habiu en as poquetas carreras que fan parti d’a zona de bars.

A calificación de ‘zona saturada’ vieda que se puedan ubrir nuevos bars, pubs u discotecas en ixa zona y mete muitos problemas ta fer qualsiquier reforma en os que ya existen. Seguntes a zaguer ordenanza, de febrero de 2010, cal que se zarre o 60% d’os bars ta que deixe d’estar ‘zona saturada’. As presions d’a vecinalla ha conseguiu que 40 de 67 bars deixasen o negocio, pero ixo se queda en a muga, estando un 59,7 %.

Lamo d’o DeVizio remera que d’antismas a lei fixaba nomás un 50% y que se puyó en 2010 a o 60% d’agora. Manuel Alonso creye, seguntes declaracions a o Heraldo de Aragón que o porcentache ‘tornará a estar modificau más enta debant, como y quan quiera o Concello’.

Fuent: http://www.heraldo.es/noticias/aragon/zaragoza_provincia/zaragoza/el_rollo_continuara_con_continuo_declive_174595_301.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.