O ‘Sí’ a l’independencia d’Escocia supera a o ‘No’ por primer vez

O 'Sí' a la independencia d'Escocia prene por primer vez a delantera a o 'No' (51%-49%) en una enqüesta publicada por The Sunday Times con vistas a o referéndum previsto t'o 18 de setiembre.

Pegallo de Radical Independence demandando lo 'Sí' a la independencia d'Escocia. (Foto: @Radical_Indy)

Pegallo de Radical Independence demandando lo ‘Sí’ a la independencia d’Escocia. (Foto: @Radical_Indy)

A interpresa demoscopica YouGov, encargada d’o estudeo, sinyala que ista diferencia de solament dos puntos suposa un ‘empate tecnico’ estatistico entre todas dos tendencias, encara que reconoixe que ye a primera vez en toda a campanya que o ‘Sí’ supera en intención de voto a la opción unionista.

Iste dato suposa una puyada de quatro puntos en l’emparo a o ‘Sí’ dende o zaguer sondeo d’ista interpresa, realizau entre o 28 d’agosto y l’1 de setiembre; mientres que a oposición a la independencia ha caito d’o 53 a o 49%.

O estudeo descarta a qui declaran que no votarán y a os indecisos. Incluindo a totz dos, a situación sitúa a o ‘Sí’ en o 47% y a o ‘No’ en o 45%.

O ‘Sí’ s’habría beneficiau d’a victoria percibida d’o ministro prencipal escocés, o nacionalista Alex Salmond, en o debat d’o pasau 25 d’agosto. Salmond s’enfrentó en o debat a o lider d’a campanya antiindependentista Better Together (Millor Chuntos), Alistair Darling.

Fuent: http://arainfo.org/2014/09/el-si-la-independencia-de-escocia-supera-al-por-primera-vez-en-una-encuesta/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.