O socialista Cosculluela decide renunciar como president d’as Cortes d’Aragón

Finalment, dimpués d'un anyo, Antonio Cosculluela ha decidiu deixar a presidencia d'as Cortes y continar como alcalde de Balbastro

Antonio Cosculluela. Foto: Cortes d'Aragón

Antonio Cosculluela. Foto: Cortes d’Aragón

O encara president d’as Cortes d’Aragón, Antonio Cosculluela (PSOE), decidió renunciar a iste puesto, dimpués d’as presions dende Podemos ta que trigase entre a presidencia d’as Cortes y l’alcaldía de Balbastro. A la fin s’ha decidiu por ista zaguera. “Trigo a os míos vecins“, declaró ahiere Cosculluela dimpués d’a Executiva d’o PSOE de l’Alto Aragón.

O PSOE altoaragonés heba refirmau a posibilidat que Cosculluela compatibilizase os dos cargos, pero finalment decidió albandonar a presidencia d’as Cortes. Manimenos Cosculluela sí que mantendrá a suya acta de deputau.

Cosculluela declaró que no i ha habiufalta de responsabilidaten as dos institucions, y ha criticau a Podemos, y en especial a Pablo Echenique, secretaire cheneral en Aragón por a suya presión en o proceso de decisión. Asinas mesmo, comunicó a decisión a Javier Lambán, president d’a Diputación Cheneral d’Aragón, que le expresó “respecto” por a decisión presa.

Entremistanto, dende Podemos Aragón han criticau a Cosculluela, considerando que deixa a las Cortesen situación de febleza“. O partiu morau creye que a decisión tien a viyer con “pugnas internasadintro d’o PSOE aragonés.

Cosculluela ya anunció que, una vegada investiu president d’as Cortes d’Aragón, anunciaría una fecha ta albandonar a suya responsabilidat como alcalde de Balbastro, como fruito d’o pacto Podemos-PSOE t’a investidura de Lambán, en que s’eliminaba a posibilidat de duplicidat de ciertos cargos. A renuncia no será efectiva dica setiembre, debiu a o periodo vacacional.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.