O socio d’Urdangarin se niega a declarar

Diego Torres ubriba hue a ronda de comparecencias, pero s'ha aculliu a o dreito de no declarar a o chuez.

Iñaki Urdangarin. (Foto: wikipedia)

Seguntes publica o diario Vilaweb, o ex-cherent de l’Instituto Nóos y ex-socio d’o yerno d’o rei espanyol, Iñaki Urdangarin, Diego Torres, s’ha aculliu a o dreito de no declarar a o chuez José Castro, debant d’o qual heba compareixiu hue, en o marco d’a pieza d’o caso Palma Enarena que investiga irregularidatz cometidas a traviés d’a entidat. O encausau ha ubierto hue a la ronda de comparecencias previstas t’os días venients.

A decisión de Torres de no declarar fa preveyer que se quiere asperar a la declaración d’Urdangarin, o día 25, ta parar-se a esfensa.

O fiscal considera que as sociedatz d’os chirmans Tejeiro y as interpresas de Diego Torres y a suya parella emitiban facturas falsas a l’Instituto Nóos. Diego Torres y Iñaki Urdangarin habrían obteniu 5,8 millons d’euros publicos a traviés de l’Instituto Nóos.

Tasament ahiere, a portavoz d’o Consello Cheneral d’o Poder Chudicial, Gabriela Bravo, dició que no totz os encausaus yeran iguals, ni yeran sozmesos a la mesma presión mediatica, en referencia a la decisión d’o chudgue instructor d’o caso Palma Arena de no deixar gravar en video a declaración d’Urdangarin, que habrá d’ir a dar explicacións o 25 de febrero en Palma sobre a presunta malversación de fondos publicos d’a suya fundación.

“No totz os afers chudicials son sozmesos a la mesma presión mediatica ni tienen a mesma relevancia, y no siempre se puede estigmatizar tamién tanto a imachen como a honor d’una persona”, dició Bravo en declaracions a TVE. Y criticó a existencia d’un chudicio paralelo antes d’a declaración. “No se tracta de prener istas midas ta estar quí ye, sino por as circumstancias d’iste caso, derivadas d’istas dimensions mediaticas de l’afer”, adhibió.

Fuent: http://www.vilaweb.cat/noticia/3983116/20120211/soci-durdangarin-nega-declarar.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.