O Supremo d’os EEUU reconoixe os dreitos d’os matrimonios homosexuals

Considera inconstitucional que os matrimonios heterosexuals tiengan mas dreitos que os atros

matrimonio gayO Tribunal Supremo norteamericano ha declarau inconstitucional a Lei en Esfensa d’o Matrimonio de 1996 (lei DOMA), seguntes a quala a definición de matrimonio queda amugada a la unión entre un hombre y una muller y, por tanto, as parellas formadas por dos personas d’o mesmo sexo no tienen dreito a determinaus esquimens federals.

Por cinco votos a quatro, o Supremo ha dau a razón a Edith Windsor, de 84 anyos, que dimpués de quaranta anyos de relación con a suya muller, Thea Spyer, con qui s’acomodó en 2007, se trobó que una vegada viuda heba de pagar mas diners pa poder recibir o herencio. A Windsor le aplicoron a lei DOMA, aprebada baixo presidencia de Bill Clinton, y que amuga mas de mil dreitos federals en materia d’impuestos, pensión u sanidat a os matrimonios formaus por un hombre y una muller. Quasi dos decenios dimpués, o Supremo ubre a puerta pa que mils de matrimonios homosexuals puedan reclamar esquimens dica agora inaccesibles.

‘Pese que o congreso tien autoridat pa disenyar leis d’alcuerdo con a suya concepción d’a politica nacional, no puede negar a libertat protechida por a clausula d’o debiu proceso d’a quinta esmienda‘, ha explicau o machistrau portavoz d’a mayoría, Anthony Kennedy. En iste sentiu, ha asegurau que o feito que no qualques personas casadas sigan menos respectadas que atras ye una violación d’a constitución.

Pa lo president d’os Estaus Unius, Barack Obama, o veredicto representa ‘un trango historico p’a igualdat’ en materia de matrimonio.

Fuent: http://www.vilaweb.cat/noticia/4129457/20130626/suprem-eua-reconeix-drets-matrimonis-homosexuals.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.