O tablet de Google podría plegar ta chunio

Lo ye desembolicando de conchunta con Austek Computer (ASUS)

Cartel d'a conferencia a on que se podría presentar
Cartel d’a conferencia a on que se podría presentar

O tablet de Google, que muitos fans d’a tecnolochía son asperando, podría prencipiar a inviar-se en o venient mes de chunio, ta prencipiar a vender-se as primers unidatz, bellas 600.000 en chulio.

Iste tablet contará con una pantalla de siet pulgadas y ye estando desembolicau de conchunta con a companyía Austek Computer. O suyo pre irá entre os 149 y os 199 dolars -150 a 190 euros- y prebará de compatir con o Kindle Fire de Amazon. Con tot y con ixo, a guerra d’os tablets de baixo pre pareix que prencipiará o segundo semestre de 2012, pues Samsung, Asus y Acer son parando os suyos propios modelos de siet pulgadas.

Si os alparceyos son ciertos o nuevo tablet podría presentar-se en a conferencia de desembolicadors Google I/O 2012, que se celebrará d’o 27 t’o 29 de chunio en San Francisco (California, EE.UU.)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.