O tercer trimestre deixa nuevos records de personas esqueferadas

Seguntes a EPA, en Aragón a cifra d'esqueferaus plega en 123.500, un 18,75%, mientres que en o conchunto de l'Estau espanyol se plega a o record de 5.778.000 personas sin treballo, un 25,02%

Oficina de l'INAEM en Zaragoza (Foto: Aragón Sostenible)

Oficina de l’INAEM en Zaragoza (Foto: Aragón Sostenible)

Torna a puyar o numero de personas en l’ature tanto en Aragón como en l’Estau espanyol. As cifras d’a EPA (Enqüesta de Población Activa) deixan una puyada en Aragón de 1.100 personas en iste zaguer trimestre (un 0,93% mas) y 18.400 personas mas respective a o mesmo trimestre de l’anyada pasada (un 17,50% mas). En total i son 123.500 personas esqueferadas, o que fa un 18,75%.

Por provincias, Zaragoza lidera en porcentache d’esqueferaus (un 20,03%, 97.400 personas), seguida de Teruel (16,68%, 11.200 personas) y Uesca (14,15%, 14.800 personas).

En l’Estau espanyol, i hai 85.000 personas mas en as listas de l’ature seguntes a EPA, o que deixa o porcentache en un 25,02%, u siga, un total de 5.778.000 personas esqueferadas, record historico. As mullers han sufriu en iste trimestre de traza especial. 75.500 d’as 85.000 personas nuevas en l’ature son mullers.

Amás, os fogars con totz os suyos miembros esqueferaus ha puyau ta 1.737.900, cifra tamién record. Un drama que no deixa de dar situacions desesperadas. Una persona se suicidó ahiere en Granada y atra en As Palmas de Gran Canaria debant d’o desahucio de casa suya. Atra ha prebau de fer-lo sin consiguir-lo por as mesmas razons en Burjassot (Valencia).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.