O Tereshkova 1 recuperau con exito dimpués de volar a quasi 26.000 metros

Dimpués d'o lanzamiento d'o Gagarin 1, os integrants d'o prochecto aerioespacial aragonés Gagarin han lanzau o suyo segundo globo sonda, o Tereshkova 1

Imachen d'o Tereshkova 1 a 25.875 m. Foto: Prochecto Gagarin

Imachen d’o Tereshkova 1 a 25.875 m. Foto: Prochecto Gagarin

Hue yera o día marcau en o calandario por Prochecto Gagarin t’o lanzamiento d’o suyo segundo globo sonda t’a estratosfera aragonesa. Dende as 8.00 horas d’o maitín cients de personas seguiban en directo, a traviés de twitter y d’a pachina web aprs.fi, as novedatz en o vuelo d’o Tereshkova 1.

O Tereshkova 1 ha partiu dende Borcha y en as suyas 3 horas y 11 minutos de viache ha sobrevolau as localidatz de Bisimbre, Gallur, Boquinyeni, Remolinos, Lomas d’o Galligo, Villanueva d’o Galligo ta aterrizar amán de Perdiguera.

A falta d’as valoracions d’os suyos promotors, cal decir que os 25.875 metros aconseguius hue representan un gran exito ta iste prochecto aerio-espacial amateur zaragozano. Prochecto Gagarin ha confimau a traviés d’os retz socials que con o lanzamiento de hue “hemos aconseguiu enmendar a error que cometiemos con a camara prencipal d’o Gagarin 1″. Amás han recuperau con exito o Tereshkova 1 y “en un tiempo record”.

Fuent: http://arainfo.org/2013/09/el-tereshkova-1-recuperado-con-exito-despues-de-volar-a-casi-26-000-metros/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.