O tifón Haiyan deixa mas de 10.000 personas muertas en Filipinas

As autoridatz filipinas cifran en mas de 10.000 os muertos por o tifón Haiyan. A ONU ninviará aduya mediant alimentos y atros productos esencials

O tifón Haiyan ha deixau un terrorifico bayo en o suyo paso por as Islas Filipinas. S’estima en mas de 10.000 as personas que han muerto por iste fenomeno climatico, seguntes as autoridatz filipinas. Ista cifra podría aumentar, pues encara no s’ha plegau en zonas que son incomunicadas. Tacloban, capital de Leyte, ha resultau terriblement afectada. A creixida d’o nivel d’o mar pareixe haber estau a causa fundamental de tan trachico balance.

Haiyan arribó o viernes a las costas de Filipinas con vientos de dica 300 km/h. Istos vientos, as terribles tronadas y a ya comentada dramatica creixida d’o nivel de l’ociano, estrafalloron entre un 80 y un 90% d’as viviendas y infraestructuras d’a zona. Millons de personas han resultau afectadas por o tifón.

A ONU ha calificau como “trachica” ista esferra y demanda aduya pa atender a todas as personas afectadas por o tifón. 40 toneladas d’alimentos saldrán dende Dubai en os venients diyas, asinas como 60 toneladas d’atros productos como medicinas, articlos d’hichiene u atros suplementos nutricionals mediant organismos perteneixents a la ONU, como UNICEF u o Programa Mundial d’Alimentos.

Tanimientres, o tifón contina con o suyo devastador camín, dirichindo-se enta Vietnam y China. 800.000 personas han estau evacuadas en Vietnam por as autoridatz d’o país y China ha activau l’alerta amariella.

Una rispuesta a O tifón Haiyan deixa mas de 10.000 personas muertas en Filipinas

  1. Pingback: O tifón Haiyan deixa mas de 10.000 personas muertas en Filipinas | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.