O tramvía de Zaragoza adequa dende iste lunes o suyo servicio t’as demandas reals de viachers

Bi habrá más unidatz entre as 13:30 y las 17:00 os diyas laborals y mientres as tardis d'os os sabados y domingos

O tramvia plegando en o Campus Río Ebro

O tramvia plegando en o Campus Río Ebro

O Tramvía de Zaragoza prencipia a aplicar iste lunes as midas de adequación d’o servicio d’a linia 1 t’a demanda que bi ha entre as 13:00 y as 17:00. L’obchectivo ye d’adaptar a ufierta d’o transporte a la demanda real de viachers.

Istas midas s’adhiben a las ya presas en as zaguers semanas, consistents en fer bells achustes en expedicions concretas en as horas centrals d’o diya, que permiten achilizar o fluxo de viachers y que son tenendo resultaus muito positivos.

Manimenos, a modificación más important se ferá entre as 13:30 y as 17:00, a on que se meterán dos tramvías más en o rete. Con os refuerzos que se i adhiben, a ocupación maxima de meyodiyas baixaría ta un 70% debant d’o 82,6% d’agora. A ocupación meya en diyas laborals, en tot lo suyo horario ye de 54,6%.

Ista zaguer mida irá acompanyada de chicotz achustes en a francha horaria de 6:30 a 7:30 d’o maitin y de 9:30 a 10:30 horas, optimizando-se a incorportación y retirada d’os tramvías coincidindo con os momentos d’o diya que se modifican as freqüencias, suposando una puyada en a freqüencia d’un minuto.

Antimás, continan as milloras en os cabos de semana en horario de tardis, quan se rechistran os mayors indices d’ocupación. Asinas, os sabados, a linia tien 3 tramvías más en l’horario entre 18:30 y 22:30. Os domingos se i adhiben dos tramvías más entre 17:30 y 20:30.

 

Fuent: http://www.cronicadearagon.es/wordpress/?p=41027

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.