O transporte publico de Zaragoza adapta a suya ufierta de servicio a los horarios de verano

En o tramvía continarán os criterios de refirme en horas punta y cabos de semana que s'han iu aplicando mientres os zaguers meses

O tramvia plegando en o Campus Río Ebro

O tramvia plegando en o Campus Río Ebro

O transporte publico de Zaragoza, tanto autobús como tramvía, adapta dende iste lunes 1 de chuliol, a suya ufierta de servicio a los horarios de verano. Iste achuste ye parellano a o que se fa cada anyada encara que en o tramvía continarán os mesmos criterios de refirme en horas punta y cabos de semana que s’han aplicau mientres os zaguers meses.

Asinas, cuanto a los autobuses, en diyas laborals, as linias 28, 41, 43, 50, 51, 54, 55, 56, 57, 58, 59, C1 y C4 ferán servicio con os mesmo cuadros de marcha que mientres a resta de l’anyo, entre que a linia 34 enampla o suyo servicio dica o Parque d’Atraccions.

Dica o diya 14 de chuliol as linias 20, 23, 42 y 44 ferán servicio dica o Campus Río Ebro, entre que a linia 38 ferá o cabo de linia en Vía Hispanidat. En os diyas de faina, as linias 23, 24, 33, 34 y 35 treballarán con autobuses articulaus.

Cuanto a los sabados as linias 25, 28, 30, 41, 43, 45, 50, 51, 52, 54, 55, 56, 57, 58, 59, C1, C4, Ci1, Ci2 y as de nueitz ferán servicio con os mesmo cuadros de marcha de toda l’anyada, y as linias 23, 24, 33, 34 y 35 treballarán con autobuses articulaus.

Ta rematar, os diyas de fiesta, as linias 25, 28, 30, 36, 41, 43, 45, 50, 51, 52, 53, 54, 55, 56, 57, 58, 59, C1, Ci1, Ci2 y as de nueitz ferán servicio con os mesmo cuadros de marcha de toda l’anyada, y as linias 23, 34 y 35 treballarán con autobuses articulaus.

O tramvía continará con os mesmos criterios de refirme de l’horario d’hibierno, tanto en diyas de faina como en sabados y diyas de fiesta.

Os sabados, d’o 1 t’o 15 de chuliol, se refirma con intervalos de paso de 10 minutos en a francha de 18:30 a 22:30 horas (debant d’os 13-15 minutos que bi heba o pasau verano). D’o 16 t’o 31 de chuliol, o refuerzo será de 11 minutos entre las 18:30 y las 22:00 horas).

Os domingos de chuliol bi habrá intervalos de paso de 12 minutos de 17:30 a 21:30 horas (l’anyada pasada yera de 15 minutos).

Fuent: http://www.cronicadearagon.es/wordpress/?p=42353

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.