O trescole de l’Ebro enta Castellón ye alegal

O gubierno espanyol diz a la Diputación de Castellón que la lei no premite o trescole que demandan

Delta de l'Ebro (FOTO: Plataforma de defensa de l'Ebre)

Delta de l'Ebro (FOTO: Plataforma de defensa de l'Ebre)

O gubierno espanyol contestara en tiempo y forma, a la demanda d’augua de l’Ebro que ha feito a Diputación de Castellón. Una sentencia d’o Tribunal Supremo espanyol obliga a o gubierno a risponder. O secretaire d’Estau de Meyo ambient, Josep Puxeu, en una conferencia en Tortosa, ha adebantau que o ministerio no puede fer un trescole de l’Ebro porque a lei no lo premite.

Puxeu, amás, asegura que cualsiquier trescole s’ha de fer en o marco d’o Plan Hidrolochico Nacional, y que a modificación d’ista lei s’ha de fer a traviés d’un decreto lei que no ye contemplada.

O secretaire tamien ha afirmau que l’augua d’o rio Ebro no “da más de si” y ha negau que en a provincia de Castellón tiengan problemas d’augua. En poco tiempo o Ministerio fera oficial ista rispuesta, dentro d’os dos meses que o Supremo espanyol heba dau a l’executivi ta fer-lo.

Sobre o rezagau d’o prochecto de plan de cuenca, que heba d’haber-se presentau fa dos anyos, Puxeu asegura que si a lechislatura espanyola hese rematau en marzo, se podria haber presentau, encara que ya ya muit rezagau. Antiparti, Josep Puxeu no s’ha mostrau d’alcuerdo con fixar una cifra d’o caudal ecolochico d’o rio, ya que pende d’as condicions en tiempo real, que agora, diz, se pueden mesurar muito millor.

Fuent: http://www.directe.cat/noticia/172931/el-transvasament-de-l-ebre-es-alegal

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.