O Tribunal Constitucional atura cautelarment o decreto andaluz contra os desafiuzamientos

O Tribunal Constitucional espanyol atura iste decreto temporalmet dica que resuelva o recurso presentau contra ell por o gubierno de Mariano Rajoy

Tribunal_Constitucional

Tribunal Constitucional espanyol. Foto: Wikipedia

L’alto tribunal espanyol ha suspendiu de traza cautelar l’aplicación d’o decreto andaluz contra os desafiuzamientos en almitir a tramite o recurso d’inconstitucionalidat presentau por o Gubierno espanyol.

O decreto andaluz d’a función publica d’a vivienda entró en vigor o pasau 12 d’abril y permite a expropiación temporal d’immuebles en procedimientos de desaloixo instaus por entidatz financieras u immobiliarias. Dende a suya entrada en vigor ya heba empecipiau o proceso d’expropiación de 10 viviendas a bancos. O decreto tamién puede sancionar a os duenyos de viviendas vuedas si son personas churidicas u dar aduyas pa logar-las si son personas fisicas.

O Gubierno espanyol presentó un recurso d’inconstitucionalidat en entender que o decreto vulnera o dreito a la propiedat d’a vivienda, mientres que o Gubierno andaluz (PSOE-IU) defiende a constitucionalidat d’a mida. Mientres os venients meses, o decreto queda suspendiu de traza cautelar y podría prolargar-se dica que o Tribunal Constitucional decida sobre l’afer.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.