O Tribunal Constitucional avala o matrimonio homosexual

Siet anyos dimpués o Tribunal Constitucional espanyol resuelve o recurso que presentó o PP contra a lei d'o matrimonio homosexual, refusando dito recurso

O pleno d’o Tribunal Constitucional (TC) ha refusau o recurso d’o PP y, por tanto, ha avalau o matrimonio homosexual. A reforma dentró en vigor o 3 de chulio de 2005, modificando deciséis articlos d’o codigo civil y modificando o 44 con o venient texto: ‘O matrimonio tendrá os mesmos requisitos y efectos quan totz dos contrayents sían d’o mesmo sexo u de diferent’.

O congreso aprebó definitivament a reforma d’o codigo civil en 2005 con os votos de todas as collas fueras d’o PP y CiU, y de quatro diputaus que s’abstenioron. Poco dimpués, o PP interposaba un recurso d’inconstitucionalidat que hue, siet anyos dimpués, ha estau refusau.

O TC heba empecipiau a tractar a fundo a qüestión dende setiembre, pero as discrepancias internas han feito que dica agora no s’haiga resuelto. A ponencia sobre ista qüestión ha recayiu en o machistrau d’o clamau ‘sector progresista’ Pablo Pérez Temples, que ha presentau un texto contrario a l’acceptación d’o recurso.

Fuent: http://www.vilaweb.cat/noticia/4053208/20121106/tribunal-constitucional-avala-matrimoni-homosexual.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.