O Tribunal Constitucional echipcio disuelve o Parlamento

Amás anula a Lei d'isolamiento politico que empachaba a politicos ligaus a l'anterior rechimen presentar-se a eleccions.

Soldau en a Pza. Tahrir l'anyo pasau. Fuent: Wikipedia

O Tribunal Constitucional echipcio ha considerau inconstitucional a lei d’isolamiento politico t’as figuras politicas de l’anterior rechimen, que yera liderau por Hosni Mubarak, que fa poco estió condenau a cadena perpetua. A decisión, reclama tamién a disolución d’o Parlamento por irregularidatz en as eleccions lechislativas, pues una tercera parti d’os diputaus (166) en son por vulneración d’a lei electoral . L’exercito echipcio se ferá cargo unatra vegada d’o poder, afirmando o mariscal Tantawi, que ells no ansían o poder, “iste ha tornau a nusatros por a fuerza d’a lei”. A decisión ye discutida, calificando-se como un golpe d’estau chudicial, por a existencia de personas vinculadas a l’anterior rechimen en o tribunal, como mesmo o suyo president, Farouk Sultan.

Ista sentencia ubre as puertas a la participación electoral d’Ahmed Shafiq, candidato continuista d’o rechimen de Mubarak (de feito estió o suyo zaguer primer ministro) y embrecau en casos de corrupción y represión en as manifestacions d’a Plaza Tahrir. Maitín y o domingo se celebraba a segunda vuelta d’as eleccions presidencials, con Mohamed Mursi, d’os Chirmans Musulmans y Ahmed Shafiq como candidatos. Manimenos, fuents militars han asegurau que i habrá votación. A reacción en a carrera, por agora no ye tan fura como en atras ocasions. Ista sentencia deixa sin o poder lechislativo a os Chirmans Musulmans que dominaban o Parlamento.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.