O Tribunal Constitucional espanyol legaliza Sortu

Por 6 votos a cinco, o Tribunal espanyol ha legalizau o partiu d'a cucha independentista vasca

Un año dimpués de que o Tribunal Supremo espanyol viedase a suya inscripción en o rechistro de partius politicos, o Tribunal Constitucional ha feito legal Sortu, o partiu d’a cucha abertzale. O debate d’o Tribunal ha rematau con una votación que han ganau 6 a 5 os partidarios d’a legalización de Sortu. Tres d’os miembros d’o tribunal han emitiu votos particulars, y atros dos, nomás que han votau en contra. O resultau ye o mesmo que fació posible a legalización de Bildu, a coalición que se presentó a las eleccions municipals vascas en mayo de 2011.

Os miembros d’o tribunal que han votau a favor creyen que as declaracions de refús d’a violencia, incluyida expresament la d’ETA, son prou condición ta premitir a suya inscripción como partiu politico. D’ista traza, Sortu podrá presentar-se a las eleccions vascas previstas ta la primavera de l’anyo venient.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.