O TSChA anula l’adchudicación d’o transporte urbano de Zaragoza a AUZSA

O TSChA ha anulau l'adchudicación realizada por o gubierno de Belloch (PSOE) a AUZSA y da a razón a la SCUT -cooperativa de treballadors y treballadoras de TUZSA

IMG-20160426-WA0003O Tribunal Superior de Chusticia d’Aragón ordena repetir o proceso d’adchudicación d’a concesión d’o servicio de transporte urbano d’o Concello de Zaragoza, con una sentencia que da a razón a la cooperativa de treballadors y treballadoras en o pleito interpuesto contra os pliegos de condicions.

Dimpués d’o conflicto laboral d’os zaguers meses, y as iniciativas ciudadanas pa estudiar a municipalización d’iste servicio fundamental pa capital d’Aragón, s’ubre un scenario completament nuevo pa que os grupos politicos se posicionen a o respecto.

Con a decisión d’o Tribunal Superior, tanto AUZSA como o Concello de Zaragoza tendrán a oportunidat de recurrir a o Tribunal Supremo, en o plazo de diez días. De no interponer-se recurso, o consistorio habrá de repetir tot o proceso pa recibir ofiertas pa la contractación d’iste servicio.

O servicio d’autobuses urbanos de Zaragoza suposa una d’as inversions mas potents d’o Concello de Zaragoza, que supera os 700 millons d’euros, d’os quals AUZSA ingresaba dica agora uns 75 millons d’euros anyals.

Fuent: http://arainfo.org/el-tsja-anula-la-adjudicacion-del-transporte-urbano-de-zaragoza-a-auzsa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.