O Tunel de Bielsa pasa as prebas d’emerchencia

S'ha simulau un trucazo entre dos autos mientres quatre horas.

Un bomber en a prebatina (Foto: D.Ch.A.)

Un bomber en a prebatina (Foto: D.Ch.A.)

Un trucazo frontal entre dos autos estió ahiere o centro d’o simulacro d’emerchencia que se fació en o Tunel de Bielsa. Una prebatina que se fa dimpués de que se rematasen os treballo d’acondicionamiento d’ista infraestructura a on que se han invertiu más de 21 millons d’euros.

O simulacro s’ha organizau de conchunta entre o Gubierno d’Aragón y o Departamento d’Altos Pirineus, con a participación d’os servicios d’emerchencia d’as dos vesants, y ha pendiu en a simulación d’un accident entre dos vehiclos con un auto frontal produciu a 1.500 metros d’a boca d’o Tunel, con o resultau de quatre ferius graus.

D’ista traza s’ha comprobau o funcionamiento d’a coordinación entre as dos administracions, d’os circuitos d’información entre os dos serivcios, asinas como as transmisions d’os servicios d’urchencia aintro d’o Tunel u l’esquema d’alerta, entre atros aspectos. O director cheneral de Carreteras d’o Gubierno d’Aragón, Miguel Ángel Arminio, qui ha supervisau in situ o simulacro, ha realizau una valuración “muito satisfactoria” En rematar. totz os achents organizadors han manteniu una reunión ta valurar o resultau, y totz han coincidiu en destacar que “s’ha cumpliu l’obchetivo, dillá d’os puntos concretos que siempre se pueden amillorar”, ha sinyalau Arminio.

Iste simulacro ye menister t’o proceso ta conseguir a bidireccionalidat t’os vehiclos lichers, obchetivo d’o Gubierno en o marco d’o Consorcio Tunel de Bielsa-Aragnouet ta favoreixer a circulación en ista redolada y contribuyir a la suya dinamización turistica y economica.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.