O tunel de Bielsa será bidireccional

En chiner se demandó y ha caliu muito tiempo ta que Francia lo aprebase. Os vehiclos pesaus continarán circulando nomas en una endrecera.

O tunel zarró por obras en 2010 (Foto: Wikipedia)

O tunel zarró por obras en 2010 (Foto: Wikipedia)

Qui fa servir o Tunel de Bielsa ye de norabuena en viyer cumplida una d’as suyas mayors reivindicacions: a bidireccionalidat t’os vehiclos licheros que traviesa ista infraestructura. Miguel Ángel Arminio, director cheneral de carreteras, tamién ha celebrau a decisión, que permitirá “un trafico fluyiu”. A bidireccionalidat ye una demanda que se fació una atra vegada o pasau mes de chiner t’a Comisión de Seguridat Francesa (CNESOR) y que meses dimpués l’han aprebada.

“S’ha establiu una ringlera a on que os vehiclos que tienen una separación de más de 3,40 metros d’exe serían os que no podrían coincidir en aintro d’o Tunel. Alavez totz os vehiclos que tiengan distancias entre exes mas chicotas podrán dentrar-ie y salir d’o tunel con bidireccionalidat y os atros vehiclos, antis, serán detectaus por unos sistemas de control que enchegará os semaforos y as cletas ta que nomas puedan pasar en una endrecera”, explica Arminio, aclarindo que dende o Gubierno entienden por “vehiclos pesaus” a los cambions, autobuses y bellas caravanas.

Seguntes ha dito o director cheneral de Carreteras, ha caliu a intervención d’un experto francés d’obras en tunels ta poder conseguir que s’aprebase ista demanda dende Francia. Antimás, s’ha feito dende o Consorcio d’o Tunel de Bielsa un completo informe con “os pros y contras entre tener unidireccionalidat y bidireccionalidat”.

O Gubierno ha comunicau que continan os treballos d’a quartena fase d’o tunel centraus en meter as intalacions de seguridat, o cableau d’alimentación d’as mesmas y de transmisión d’as comunicacions, instalar os equipos de control de l’Edificio d’a boca sur y o centro COEX, y fer a capa d’a rodadura d’a calzada y as prebas de rodache d’as intalacions.

Fuent: http://www.aragon2.com/n-19857-4-El_Tunel_de_Bielsa_recibe_el_visto_bueno_para_la_circulacion_bidireccional

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.