O Uesca cesa a Ángel Royo

Os malos resultaus ha provocau o cese

Escudo d'a S.E. UescaO club comunica que ha decidiu de relevar a qui yera dica agora l’entrenador d’o primer equipe, que pasará a atra demba en a dirección esportiva d’a entidat uescana. Se ye mirando bell sustituto ta entrenar o equipo azulgrana, que no ha prencipiau bien a temporada.

Se remató o credito d’Ángel Royo. A S.E. Uesca ha decidiu que quatre punto en seis chornadas son un balanz masiau pobre y ha cesau a lo tecnico d’o primer equipe altoaragonés, que ye de tot en os puesto ta baixar de Segunda División, chunto con o F.C. Barcelona B, o Gimnastic de Tarragona y o Cartagena.

O escomencipie d’o Uesca no ye o que s’asperaban os dirichents d’o club. Masiau sufrir, masiadas redotas, masiaus problemas con o chuego y, más que más, unos pobres resultaus en casa, en l’Alcoraz, han condenau a Royo a deixar o puesto y pasar a atras funcions d’a dirección esportiva.

Quique Hernández se ferá cargo de l’equipe

L’entrenador valencian Quique Hernández prene o relevo de Royo. Hernández ha entrenau a equipes como o Numancia, Córdoba u Recreativo. Fa 4 anyos marcho ta Grecia, han ha teniu esferents cargos en l’Aris de Salonica, d’an que marchó a entrenar a l’Albacete, ta tornar dimpués a l’Aris, y agora yera tecnico en o Levadiakos tamién griego.

Fuent: http://www.aragon2.com/n-13292-408-Huesca_cesa_Angel_Royo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.