O Uesca quita un punto en Soria

O Uesca s'adebantó en o marcador pero en dos menutos empazó o Numancia

Debant d’un Numancia volcau en a porteria d’o Uesca, os oscenses facion valer o gol de Gilvan en prencipiar a segunda parti ta quitar una valurosa empazada en Soria. O Uesca se trancó bien dezaga y as enrestidas d’os sorians no podioron fer foraus en a portería de Luis García dica o segundo tiempo.

Con un primer tiempo en que o Uesca no heba feito cosa t’adebantar-se en o partiu prencipiaba o segundo quan una chugada de Camacho l’aproveitó Gilván ta fer o 0-1 que yera un gran premio a o triballo en esfensa de l’equipe altoaragonés. Pero en dos menutos aniveló o marcador o Numancia, en un disparo de luen de Nano que se ”enverenó” fatalment ta Luis García, dimpués de trucar en un defensor.

O Numancia tornó a chenerar mas ocasions. Tenioron a suya oportunidat Julio Álvarez, Juanjo y dos gols anulaus a o Numancia, por difuera de chuego.

Con iste risultau, o Uesca contina zaguero d’a clasificación con 8 puntos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.