O Uesca remonta un 0-2 y empaza con o Valladolit

O Uesca contina zaguero en a clasificación, a quatre puntos d'a permanencia

Contina sin ganar o Uesca que ahiere prencipió o partiu con o handicap d’encaixar dos gols en o primer tramo de cada parti. En prencipiar, l’ex-zaragocista Oscar Gonzalez feba o primer gol a atro ex-zaragocista o portero Luis Garcia que feba o primer partiu con os locals.

O Valladolit fació un trango ta zaga que fació que os azulgranas prencipiasen a dominar o campo, pero os contraataques d’os pucelanos teneban mas periglo que no os ataques d’o Uesca. En o menuto 60 Javi Guerra feba o segundo t’o Valladolit, pero no rebló o Uesca que en tres menutos, por meyo de Camacho dimpués d’un penalti sobre Óscar Vega y Bauzá que aprofitó un balón suelto en l’aria, tornaron a empazar o marcador.

O partiu se crebó a partir d’ixe inte, pero Luis García aturó con o piet un disparo de Balenziaga y por parti d’o Valladolit estió Marc Valient qui sacaba una pilota difuera sobre a linia mesma de gol.

Iste risultau contina deixando a o Uesca en o zaguer puesto d’a clasificación, con 7 puntos y a 4 puntos de L’Alcoyano que marca a permanencia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.