O Vaticano creyará un centro contra la pederastia

Lo han anunciau en o marco d'o simposium 'Enta la curación y l'esvielle'

Joseph Ratzinger (Foto: pracownikpl)

Joseph Ratzinger (Foto: pracownikpl)

O Vaticano ha declarau a suya intención de creyar un nuevo centro de estudios en Alemania contra la pederastia. A faina d’o centro sería a de fer clases a distancia de como evitar y actuar debant d’a pederastia d’os mosens.

O centro será financiau por o Vaticano a traviés d’a Papal Foundation, una entidat que o propio Papa, Joseph Ratzinger, apreba o destin d’as suyas donacions, y tamién por atras entidatz cristianas d’Alemania. A siede se meterá en Munich y bi treballará una colla de profesors que asesorarán a los intresaus sobre como prevenir a pederastia y qué fer en caso de conoixer bell caso.

Iste anuncio s’ha feito en un congreso que ye habendo mientres istos diyas en a ciudat de Roma. Bellas victimas de pederastia, que i son protestando, s’han queixau de que no se contase con a suya opinión en iste afer y creyen que ye tot un teyatro ta mirar de ganar-se a la opinión publica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.