O vico de Sant Chusé no pagará a la SGAE

A chunta de distrito d'o Rabalete lo decidió o chueves en o pleno

Dance de Sant Chusé (Foto: Primo)
Dance de Sant Chusé (Foto: Primo)

A chunta de distrito d’o vico zaragozano d’o Rabalete (tamién conoixiu como Sant Chusé) se declaró o chueves insemisa a la SGAE. Ista sociedat de chestión de dreitos d’autors demanda más de 5.000 euros a lo vico por as fiestas de 2011.

Ista insemisión se planteyó como moción d’urchencia y seguntes o texto, no se colaborará con a SGAE ‘entre que no se cumplan unos prencipios alazetals como a transparencia en a chestión suya y a publicación d’o catalogo d’autors y obras d’a sociedat’.

Pablo Muñoz, conceller de IU y president d’a chunta de distrito, esfendió tamién ‘a cultura de baldes, libre y popular en a ciudat y ha refusau a suya mercantilización’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.