O XI Festival Internacional de Documental Etnografico de Sobrarbe, se celebrará entre o 19 y o 27 de abril

25 cintas competirán en a sección de concurso

cartelEspiello 2013, o Festival internacional de documental etnografico de Sobrarbe ferá a suya oncena edición entre o 19 y o 27 d’abril. Ta ista anyada ya se han trigau os documentals que participarán en a sección concurso. Vinticinco cintas de puestos tan diferents como Archentina, Reino Uniu u Sierra Leone.

O festival, que se ferá en Boltanya, y que ye organizau por o Servicio de Cultura d’a Comarca de Sobrarbe y por a sección d’Audiovisuals d’o CES (Centro de Estudios de Sobrarbe).Leva dende 2002, prebando de unir cine y etnografía, dos qüestions que, seguntes os organizadors, pareixeban muito intresants de desembolicar en a redolada.

“Un d’os obchetivos importants d’a muestra, ye fer conoixer os zaguers treballos que se son fendo en a demba d’o documental y o video etnografico, uns treballos que tasament se’n ocupan os diferents certamens y festivals” y que, manimenos, “bi ha un intrés real tanto academico, como d’o publico”, sinyalan dende a organización.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.