O XV Franjarock se celebra o 4 de chulio en Penyarroya de Tastavins

De cara a la pared, Azero, Los Draps y Omeveigues actuarán en o concierto que se ferá de nueitz

Iste sabado Penycartelarroya de Tastavins, en o Matarranya, será o scenario d’a celebración d’a XV edición d’o FranjaRock, un d’os festivals de verano más veterans en a scena mosical aragonesa. L’evento ye organizau por “L’associació de Jóvens de Pena-roja” y tien como lema 15 anys de lluita, música y compromís”

O viernes bi ha una programación endrezada sobre tot a la chent d’a redolada con una cena, un trivial d’o lugar y un “Karaoke Freak”. O gran diya de conciertos será o sabado con un cartel de luxo. A charanga Sempre sone bé acompanyará mosicalment o chupinazo, que se ferá a las 13:00. De tardes, y dimpués d’una gymkana popular, Chundarata ferá una pasavilla y una actuación. Dimpués d’a cena, a las 23 prencipiará o concierto con De cara a la pared, Azero, Los Draps y Omeveigues.

Por iste festival, que prencipió en 2001 han pasau bandas como Eina, Mallacán, Xeic, Boikot, Prau, Ixuquera, Agraviats, …. En iste anyo s’ha convocau un concurso ta fer un mural a on que apareixcan precisament os nombres de todas as bandas que i han pasau.

A entrada t’o concierto tien un pre de nomás 6 euros. A organización ha habilitau un espacio d’acampada libre.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.