O Zaragoza podió tener más

O Reyal Zaragoza empaza a dos, dimpués de enantarse en o marcador por 1-2, con una actuación arbitral más que dudosa

Luis García controla o balón

Luis García controla o balón

O Reyal Zaragoza ha obteníu un buen resultau en un d’os suyos “campos maldaus”, O Madrigal de Vila-real, do nunca no ha ganau dende que o Submarino Amariello puyó a Primera División. Luis García enantó a os aragoneses, encara que poco dimpues, o Vila-real empató gracias a un dandaloso penal que no más l’arbitro veyó y que Rossi executó de polida traza.

Chusto anti de rematar a primera parti, un gol de Barrera metió de nuevo a o Reyal por debant en o marcador pero ya en a segunda parti, a expulsión de Lanzaro fació as cosas mas facils ta o Vila-real, que tornó a empatar definitivament en o menuto 81, gol de Hernán Pérez. De nuevo, Roberto estió un d’os protagonistas d’o partíu, ya que as suyas intervencións estión decisivas ta salvar a l’equipo d’un pior resultau. Con iste empate, o Reyal suma seis puntos en siet chornadas, continando fuera d´os puestos de descenso a Segunda División.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.