Obama chuga a no perder

Visto l'empate que i hai entre Obama y Romney, tot dependerá maitín d'o calculo d'o Colechio Electoral

En os Estaus Unius un president puede perder as eleccions en numero de votos y, con tot y con ixo, ganar-las. O que cuenta son os clamaus votos d’o ‘Colechio Electoral’. Cada estau tien un numero de votos adchudicaus seguntes a población y qui i gana, encara que sía d’un voto, se los leva. Obama, acorralau por a campanya de Romney y as suyas errors, va debant en votos d’o Colechio Electoral y se’n fía ta estar president quatro anyos mas.

A meya d’as enqüestas d’opinión ye clara. Obama gana d’un punto por o que fa a la intención de voto; isto ye muit poco ta un president en activo, que tien l’esquimen de salir de contino en os meyos y a posibilidat de prener decisions. A la fin que, ha estau a reacción a l’huracán Sandy que ha consolidau ista chicota avantalla. Sin l’huracán, Obama talment sería agora por baixo de Romney.

Manimenos, o voto popular nomás ye important politicament -sería una redota notable ta Obama que a mayoría d’a población no le refirmase. Pero os votos que cuentan son os d’o Colechio Electoral; y istos sí que pareixe que Obama los tien aseguraus. A mayoría d’estaus son clarament favorables a un d’os candidatos, pero a decisión final ye en mans d’os clamaus ‘swing states’, estaus que cambean de color seguntes o candidato. Por eixemplo, California ye un estau democrata y Texas, republicano. En cambeo, Ohio, Florida u Iowa cambean seguntes as eleccions y son os que determinan quí va t’a Casa Blanca.

O mapa d’os ‘swing states‘, pocas horas antes d’a votación definitiva de maitín ye favorable a o president. Obama tien 237 votos consolidaus y Romney 191 (en os estaus a on ye seguro que ganará l’un u l’atro). D’a resta, Romney pareixe que puede esgarrapar-ne 57, y os 53 restants serían ta Obama, si se cumplen as enqüestas, y serían prou ta que podese proclamar-se president. A diferencia actual, seguntes as enqüestas, ye de menos de tres puntos, una marguin que puede cambear facilment.

En istas condicions o president ha enfocau as zagueras horas de campanya como un intento de no perder. Quiere privar entivocacions que lo penalicen y aspera que estaus clave como Ohio no cambeen de mans; de feito, mesmo aspira a fer cayer Virchinia d’o suyo costau, cosa que le proporcionaría una victoria espectacular… encara que perdese en votos.

Fuent: http://www.vilaweb.cat/noticia/4052531/20121105/obama-juga-perdre.html

Una rispuesta a Obama chuga a no perder

  1. El Ano y el perder, muy aragonés…sí
    i a i a oooo, cantaba el enanito…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.