Obrint Pas anuncia que aturarán de traza indefinida

Se despedirá estianyo con una chira clamada "Seguirem"

chiraDimpués de vinte anyadas levando a mosica por meyo mundo y d’haber esdeveniu una d’as colla de referencia en luenga catalana a ran internacional, Obrint Pas ferá una aturada en a suya trachectoria. En un comunicau, anuncian una aturada “temporal pero, por agora, indefinida“. Dicen que, pasada la chira d’o disco-libro “Coratge” les “cal aturar iste barco clamau Obrint Pas”.

Xavi Sarrià explica en VilaWeb que son estaus vinte anyadas embrecaus en a colla y que les cal desconectar. “Nunca no hemos aturau de tot, y agora nos cal aturar, mirar que queremos fer, y rechenerar-nos“, diz. Descartaban fer unatro disco d’estudio sin estar a o 100%, pero avisa: “Encara qeu a colla no contine como tal, nusatros continaremos. O barco ye astí”.

Un barco que ye estau casa suya mientres dos decadas: “Aquí no remata tot” y por ixo a chira de despedida (a zaguera, por l’inte) se clama “Seguirem”. Prencipiarán iste 2013, y ya tienen previstos dos conciertos en acustico ta 2014, previsiblemente uno en Valencia y unatro en Barcelona, que talment podría inmortalizar-se en formato disco.

“A partir de 2014 s’ubre una nueva etapa ta nusatros. No sabemos Obrint Pas zarpará de nuevas u si no lo ferá. Nomás sabemos que todas istas anyadas de risetas y feridas nos han feito estar qui somos agora. Nos costa de decir-lo. Nos costa d’escribir-lo. Y por ixo asperamos retrobar-nos en a chira d’estianyo“, se despiden.

 

 

 

Fuent: http://www.vilaweb.cat/noticia/4097501/20130321/obrint-pas-anuncia-aturada-indefinida.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.