Obuxofest, festival de cine fantastico y de terror, ya tien programación

Xabierre-Latre aculle, como todas as anyadas, iste festival entre o 24 y o 26 de setiembre

cartelO Festival de Cinde Fantastico y de Terror de Xabierre-Latre ya tien programación. Se ferá entre os diyas 24 y 26 de setiembre. Antimás d’as actividatz de todas as anteriors edicions, estianyo bi habrá tamién un concurso de chilos. O premio Plenilunio irá ta Lina Romay, actriz y directora que morió o pasau mes de febrer.

O festival rebute d’actividatz relacionadas con o mundo d’o terror y o cine fantastico. O viernes prencipiará con o concurso de Videominutos a on que os reyalizadors que se i apunten habrán de fer un cortometrache mientres dure o Festival. Dimpués se ferán procheccions de cortos y una queimada. O sabado de maitins tocará chilar en o concurso de chilos que se fa por primer anyada. O churau premiará o millor chilo pendendo d’o suyo dramatismo, volumen, intensidad y identidat propia. O sabado rematará con a final d’o concurso de chilos y un concierto de mosica surf y garache que ferán Mutagénicos.

O domingo se ferán conoixer os premiaus y se prochectarán os videominutos grabaus mientres o festival. A organización ha presto una zona d’acampada ta qui quiera estar-se-ie mientres o cabo de semana en l’antigo fosal d’o lugar, con servicio de banyo y ducha y a on que cullen más de 200 tiendas de campanya.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.