Occupy Wall st. contina as protestas y marchan por Nueva York

A protesta s'estendilla a atras ciudatz, mientres que Obama cretica a las achencias de calificación

Nunca reblar (Foto: Cris Giner)

Nunca reblar (Foto: Cris Giner)

En as carreras de Nueva York, capital economica d’o mundo, se siente a voz d’a protesta contra la crisi y contra qui la prevocó. Presonas de tota condición ocupan as cantonadas amán d’a bolsa de Wall Street, y quieren, a lo menos, fer veyible as protestas d’os ciudadans.

Dende fa bellas semanas fan actividatz y manifestacions contra qui ordena os movimients economicos en o mundo. En una d’as suyas movilizacions, en Union Sq, estioron detenidas 80 presonas, dimpués d’una violenta actuacion policial.  A detención fació que iste cabo semana mas de 2000 presonas marchasen por o centro de Nueva York enta la Comisaría central de policía.

As protestas, en tot caso, no se fan nomás en a capital economica d’o país. En Nueva York, ixo sí, han dixau testimonio d’a suya simpatía por os acampaus Susan Sarandon u a colla mosical RadioHead. Los Ángeles, Boston, Sant Francisco u Dallas tamién tienen a suya propia protesta.

L’acampada de Nueva York, que podetz veyer en a galería d’as fotos que ha feito t’Arredol Cristina Giner, prencipio o 17 de setiembre, y, por l’inte, no tien garra intincion de dixar l’espacio que agora ocupa.

Contra las achencias de calificación

Y mientras isto pasa en a gran manzana, o president d’Estatos Unitos, Barack Obama, ha creticau a las achencias de calificación y ha dito que podeban tener a-saber-las irregularidatz. As achencias, con o suyo alarmismo y calificación d’a deuda nacional d’os estaus, han crebau en buena mida a confitanza d’os inversors y han feito retacular tot o sistema economico.

Una rispuesta a Occupy Wall st. contina as protestas y marchan por Nueva York

  1. M’hesen contau fa un anyo que una parti, encara que siga chicota, de a población norteamericana iba a chenerar un movimiento chiminuco de o 15M, no me lo hese puesto creyer mica. Y me pareix que ye un muit buen sinyal de que os amos de o mundo tienen razons ta alticamar-se, y que a chent, mesmo en o país con o pueblo menos inclinau a manifestacions y revolucions, somos cada día más espacienciaus.

    Curiosa tamién a represión policial en o país que, presuntament, ye a l’aguait de os dreitos humanos en o mundo (ha).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.